ہفتہ ، جنوری 31 ، 2015 عمومی ویوز 365

ہماری ویب سائٹ کا اردو ورژن اور اس کا پیش منظر

اردو ہے جس کا نام ہمیں جانتے ہیں داغ ، سارے جہاں میں دوھوم ہماری زباں کی ہے

بظاھر تو ہماری جیسی کمپنی کو اردو ورژن میں ویب سائٹ کی ضرورت نہیں. کیوں کہ ہم عام صارف کی بجاۓ کمپنیز یا اداروں کو اپنی خدمات فراہم کرتے ہیں. اور یہ تو آپ جانتے ہی ہیں،  کہ اردو لکھنے کی حد تک تو کارپوریٹ سیکٹر میں بلکل ناپید ہے. خیر اس میں قصور کسی کا بھی نہیں، ہماری سرکاری زبان بھی انگلش ہی ہے. سرکار کی جانب سے  تو اردو شاید میرے عزیز ہموطنوں   تک ہی محدود کر دی گئی ہے .کمپیوٹر پر اردو لکھنے  کا رواج کم ہونے کی وجہ سے بہت سے لوگ اردو کیبورڈ کا استعمال بھی نہیں جانتے. اور ویب سائٹ اردو میں بنانا تو جان جوکھوں کا کام ہے، اس لئیے بہت سے لوگ اور دیگر کمپنیز اردو ورژن میں ویب سائٹ نہیں بناتے.

مگر! ہم نے اپنی ویب سائٹ کا اردو ورژن بلآخر بنا ہی ڈالا.  بیرون ملک چائنیز یا یورپین کومپنیز کی ویب سائٹ توشاید لازمی طور پر مقامی اور انگلش ورژن میں ہوتی ہیں. لیکن اصل بات ان سے مقابلہ نہیں، بلکہ ہمیں اپنی زباں اردو پر ناز ہے. انگلش بہت سادہ اور آسان زبان ہے اور اس کی آفادیت اس لئیے بھی ہے کہ ہر کوئی اس کو سمجھ لیتا ہے. لیکن بلہ شبہ اردو سب سے زیادہ نفیس زبانوں میں سے ایک ہے. خیر کاروباری لہذ سے بھی اردو ورژن میں ویب سائٹ بنانے کا بہت معقول جواز یہ ہے کہ، کہ کچھ باتیں صرف اردو میں ہی زیادہ بہتر انداز میں بیان کی جا سکتی ہیں، اور یہ بات ایک میرے جیسے سیلزمین سے بڑھ کر کون جان سکتا ہے.


ہفتہ ، جنوری 31 ، 2015 معلوماتی ویوز 213

(weboc) ویبوک کی رجسٹریشن کا طریقه کار

ویبوک سے متعلق مکمل معلومات اور اس کی رجسٹریشن کا طریقه کار

پاکستان میں درآمدی و برآمدی کمپنیز کیلئے اب ویبوک رجسٹریشن لازم و ملزوم ہے. اس کے بغیر اب امپورٹ یا ایکسپورٹ شپمینٹ پراسیسنگ کی اجازت نہیں. بصورت دیگر آپ کو مشکلات کا سامنا کرنا پڑ سکتا ہے. اس لئے آپ ویبوک رجسٹریشن کو یقنی بنائیے. ہم اپنے کسٹمرز کو ویبوک  کی رجسٹریشن میں مکمل رھنمائی فراہم کرتے ہیں. ویبوک کی رجسٹریشن کوئی مشکل فعل نہیں، اگر آپ کے پاس مندرجہ ذیل ڈاکومینٹس ہیں، تو آپ آسانی سے ویبوک رجسٹریشن حاصل کر سکتے ہیں.

  1. آپ کے پاس NTN رجسٹریشن ہو
  2. آپ کے پاس STN رجسٹریشن ہو
  3. آپکا شناختی کارڈ
  4. بینک اکاؤنٹ سٹیٹمنٹ پچلے ٣ ماہ کی
  5. بینک اکاؤنٹ مینٹیننس لیٹر
  6. ایک عدد بجلی یا ٹیلی فون کا بل
  7.  آپ کی کمپنی کے ٣ عدد لیٹر ہیڈ

جب آپ کے پاس مندرجہ بالا رجسٹریشن اور ڈاکومنٹس مہیا ہوں تو آپ لاہور میں  NLC dryport  پر ویبوک آفس میں اپنے اصلی شناختی کارڈ کے ساتھ تشریف لیں جایئں، دوسرے شہروں میں بھی ویبوک آفسز مقامی dryport پر موجود ہیں. ویبوک کی رجسٹریشن فیس مبلغ ٥٠٠٠ روپۓ ہے، اور چارسے پانچ ہزار فالتو جیب میں رکھیں. آپ ویبوک کی رجسٹریشن فارم یہاں سے ڈونلوڈ کر سکتے ہیں.   اس فارم کو توجہ سے پْر کریں، خاص کر اپنا ای میل ایڈریس، کوینکہ آپکا ویبوک ID اور password اسی پر بھیجا جاۓ گا. اگر آپ سوچ رہیں ہیں کہ ویبوک در حقیت ہے کیا؟  تو آپ کی معلومات کیلئے ویبوک انٹرنیٹ یا ویب پر مبنی  (goods declaration (GD  فائل کرنے کا پلیٹ فارم ہے. اس سے جہاں ریکارڈ کیپنگ میں آسانی ہے وہاں کسٹمز اور ٹیکس کے احکام شپمنٹس کی بہتر جانچ پڑتال بھی کر سکتے ہیں.